Efnileg í html, þökk sé kanadíska blístraranum
Tilraunir mínar til að gera bloggið læsilegra og huggulegra hafa miskunnarlaust verið hafðar að háði og spotti. Þrátt fyrir það tókst mér, nánast tölvublindri manneskjunni, að breyta letrinu og stærð þess og er í þann veginn að fara að vinda mér í stóra línubilsmálið. Andlegt jafnvægi mitt í augnablikinu rek ég beint til þess að hafa vaknað við Rás 1 og hlustað á hana í allan morgun. Mæli eindregið með Pipar og salt á miðvikudagsmorgnum á milli 10 og 11 á Rás 1. Enginn Gilzenegger þar á ferð, bara Whittaker og sambærilegir klassíkerar. Sem minnir mig á að ég verð að muna að skilja "Best of Roger Whittaker" eftir í geislaspilaranum fyrir Orra Jóns. þegar hann kemur...
5 Comments:
Þetta eru mjög fínar breytingar.
Hvurslags eiginlega er þetta? Það er varla hægt að lesa þetta helvíti! Línubilið hérna er alveg út í hött! Kem ekki aftur hingað fyrr en það er búið að laga þetta!!
Sá grunur læðist að manni að hér sé Gummi að vitna í eitthvað, þ.e.a.s að einhver subtext sé þarna sem innvígðir skilja og kannski þeir sem voru við ganginn.
Ég heppin að hafa þýðanda á blogginu mínu, ha!
Hvernig væri nú að fara að skrifa eitthvað? Verður þetta svona? Ætlarðu bara að vera í sólbaði við sundlaugina þarna úti?
Skrifa ummæli
<< Home